HK og ÍA áttust við í Lengjubikar kvenna í dag og tóku heimakonur í Kópavogi forystuna eftir tólf mínútna leik, þegar Asha Nikole Zuniga setti boltann í netið.

HK leiddi í leikhlé en Skagakonur svöruðu fyrir sig í upphafi síðari hálfleiks með jöfnunarmarki frá Thelmu Björgu Rafnkelsdóttur og urðu lokatölur leiksins 1-1.

HK er aðeins með fjögur stig eftir fimm umferðir á meðan ÍA er í öðru sæti, með níu stig eftir sex leiki.

Afturelding er svo gott sem búin að vinna B-deildina þar sem ÍA og ÍR eiga ekki lengur möguleika á toppsætinu.