Baldur Logi er sóknarsinnaður miðjumaður en varð 15 ára í janúar síðastliðnum. Hann er líklega yngsti leikmaðurinn til að spila með meistaraflokki FH í sögunni.

Þessi ungi og efnilegi leikmaðiur skoraði sigurmarkið þegar FH varð Íslandsmeistari í 4. flokki í fyrra.

Í sumar hefur Baldur leikið með öðrum og þriðja flokki FH. Hann kom síðan inn í leikmannahóp meistaraflokks gegn KR í þarsíðasta leik.

Baldur hafði ekki leikið æfingaleiki með meistaraflokki og leikurinn í kvöld var því fyrsti leikur hans þar.

Faðir Baldurs er Guðlaugur Baldursson, þjálfari Keflavíkur og fyrrum aðstoðarþjálfari FH.