Það má segja að þessi titilbarátta sé martröð fyrir Manchester United og stuðningsmenn þeirra því það er rígur á milli United og þessara þriggja liða. Þetta eru örugglega þau þrjú lið sem stuðningsmenn Man Utd kunna minnst við.

Sir Jim Ratcliffe, sem keypti nýverið 25 prósenta hlut í Man Utd, var nýverið í hlaðvarpi á Englandi þar sem hann var spurður út í það hvaða lið hann vildi helst að myndi vinna Englandsmeistaratitilinn á þessu tímabili.

„Ég hata þau öll," segir Ratcliffe en hann ólst upp sem stuðningsmaður United.

„Ég veit það ekki. Þau eru öll óvinurinn og ég get ekki valið á milli þeirra."