Grobbelaar segir að Jurgen Klopp, stjóri Liverpool, sé þegar farinn að skoða kosti í staðinn fyrir Mignolet. Talað er um að hann sé að horfa til Bernd Leno hjá Bayer Leverkusen og Loris Karius hjá Mainz.

„Ég hef verið að gagnrýna Mignolet í tvö til þrjú ár. Ég var beðinn um að vera ekki að gagnrýna hann svona opinberlega. En ég held að Klopp vilji fá nýjan markvörð og sé að skoða nokkra kosti í þýsku deildinni. Ég gæti trúað því að nýr markvörður verði eitt af fystu kaupum hans hjá Liverpool."

Liverpool keypti Mignolet frá Sunderland fyrir 9 milljónir punda og hann hefur spilað 111 leiki fyrir félagið. Grobbelaar er í dag markmannsþjálfari hjá Ottawa Fury í Kanada og segir að þar megi finna betri markvörð en Mignolet er.