FRÉTTIR22.11.2023, 18:10
Alex Þór Hauksson verður ekki áfram hjá Öster. Þetta staðfesti hann í samtali við Fótbolta.net í dag. Tímabilinu í Svíþjóð er lokið fyrir utan umspilið um sæti í efstu deild sem Öster missti af í lokaumferðinni.
Í Svíþjóð er hins vegar hefð fyrir því að æfa í smá tíma eftir að mótinu lýkur. Alex var í stóru hlutverki seinni hluta tímabilsins 2021, í lykilhlutverki á tímabilinu í fyrra en lék ekki jafnmikið á liðinni leiktíð; byrjaði 14 leiki af 30 og kom níu sinnum inn á sem varamaður.
FRÉTTIR22.11.2023, 16:30
Gyfli Tryggvason, sem hefur stýrt liði Árbæjar undanfarin ár, er kominn með nýtt starf. Greint var frá því á dögunum að hann yrði ekki áfram með Árbæ og í dag var tilkynnt að hann væri nýr aðstoðarþrjálfari hjá HK.
Hann mun aðstoða Guðna Þór Einarsson með þjálfun meistaraflokks kvenna. Gylfi skrifar undir tveggja ára samning við HK.
FRÉTTIR22.11.2023, 15:34
Guðni Bergsson, fyrrum formaður KSÍ, hefur ákveðið að bjóða sig fram sem formaður. Nýr formaður verður kjörinn á ársþingi sambandsins í febrúar næstkomandi.
Hann var formaður sambandsins á árunum 2017-2021. Hann sagði af sér sem formaður í ágúst 2021 í kjölfar frétta af meintri hylmingu sambandsins yfir kynferðisbrotum landsliðsmanna.
Sitjandi formaður, Vanda Sigurgeirsdóttir, hefur tilkynnt að hún ætli ekki að gefa kost á sér áfram.
FRÉTTIR22.11.2023, 14:30
Fjallað er um það á norska miðlunum <i>adressa.no</I> að Selma Sól Magnúsdóttir sé á förum frá Rosenborg.
Samningur hennar við norska félagið er að renna út og verður ekki skrifað undir nýjan samning. Þetta staðfesti hún við Fótbolta.net í dag.
FRÉTTIR22.11.2023, 13:52
Kristianstad tilkynnti í dag að sex leikmenn yrðu ekki lengur hjá félaginu. Á meðal þeirra er Emelía Óskarsdóttir. Hún skrifaði undir þriggja ára samning við félagið þegar hún gekk í raðir þess en nýtti sér uppsagnarákvæði í samningnum og er því laus allra mála.
Hún var með ákvæði í samningi sínum sem fól það í sér að ef Elísabet Gunnarsdóttir myndi yfirgefa félagið þá gæti Emelía sagt upp samningi sínum við félagið. Elísabet yfirgaf félagið á dögunum eftir fimmtán ára veru.
Hún gekk í raðir félagsins fyrir tímabilið 2022 og kom við sögu í 24 leikjum í sænsku deildinni á tíma sínum hjá Kristianstad. Fyrri hluta tímabilsins 2023 lék hún á láni með Selfossi.
FRÉTTIR22.11.2023, 13:00
Fram tilkynnti í dag að Eyrún Vala Harðardóttir hefur skrifað undir tveggja ára samning við félagið.
Hún kemur frá Stjörnunni en hún lék á láni með HK seinni hluta tímabilsins 2023. Eyrún er uppalin í Breiðabliki og lék sitt fyrsta tímabil í meistaraflokki með Augnabliki sumarið 2019.
FRÉTTIR22.11.2023, 09:28
Kjartan Kári Halldórsson hefur gert þriggja ára samning við FH sem kaupir hann frá norska félaginu Haugesund. Kjartan var á láni hjá þeim allt síðasta tímabil.
Óskar Hrafn Þorvaldsson tók nýlega við þjálfun Haugesund.
Kjartan er tvítugur vængmaður sem lék 24 leiki í deild og bikar með FH á liðnu tímabili. Í þeim skoraði hann þrjú mörk og lagði upp tvö.
Kjartan var keyptur til Haugesund frá Gróttu eftir frábært tímabil 2022.
FRÉTTIR21.11.2023, 18:32
Varnarmaðurinn Magnús Þór Magnússon hefur lagt skóna á hilluna. Frá þessu var greint í hlaðvarpsþættinum <i>Gula Spjaldið</I> á föstudag og staðfesti Magnús tíðindin í samtali við Fótbolta.net í dag.
Magnús er 31 árs og hefur borið fyrirliðabandið undanfarin ár.
FRÉTTIR21.11.2023, 15:30
Höttur/Huginn hefur fengið frá samningi við spænska miðjumanninn Rafa Llop og mun hann spila með liðinu á næsta tímabili.
FRÉTTIR21.11.2023, 11:22
Miðjumaðurinn Unnar Ari Hansson hefur fengið félagaskipti frá KFA til KFK. Unnar var fyrirliði KFA í sumar sem rétt missti af sæti í Lengjudeildinni.
Hann er 25 ára og uppalinn í Fjarðabyggð/Leikni. Hann lék með Þrótti Vogum tímabilin 2021 og 2022.
FRÉTTIR21.11.2023, 06:00
Fanney Inga Birkisdóttir, markvörður Vals, hefur framlengt samning sinn við félagið.
FRÉTTIR20.11.2023, 22:08
Íslenska karlalandsliðið mun taka þátt í umspili um sæti á Evrópumótinu í Þýskalandi, en þetta varð ljóst eftir 3-0 sigur Tékklands á Moldóvu í kvöld.
FRÉTTIR20.11.2023, 16:07
Fram heldur áfram að styrkja liðið sitt fyrir komandi átök í Bestu deildinni. Rétt í þessu var greint frá því að Kennie Chopart væri genginn í raðir félagsins.
Danski hægri bakvörðurinn skrifar undir eins árs samning við félagið en hann kemur frá KR. Hann lék undir stjórn Rúnars Kristinssonar hjá KR og fylgir honum í Fram, en Rúnar tók við stjórnartaumunum þar í haust.
FRÉTTIR20.11.2023, 15:35
Edda Garðarsdótir var í dag tilkynnt sem nýr aðstoðarþjálfari meistaraflokks kvenna hjá Breiðabliki. Frá þessu er greint á samfélagsmiðlum Breiðabliks.
Edda er fyrrum landsliðskona sem aðstoðaði Nik Chamberlain síðustu ár hjá Þrótti. Nik söðlaði um og samdi við Breiðablik í haust og Edda fylgir honum yfir í Kópavoginn.
FRÉTTIR20.11.2023, 06:00
Katrín Ásta Eyþórsdóttir hefur skrifað undir tveggja ára samning við Fram, en hún kemur til félagsins frá FH.
FRÉTTIR19.11.2023, 21:03
Aron Jóhannsson er genginn til liðs við Aftureldingu í Lengjudeildinni en hann skrifaði undir tveggja ára samning í dag.
FRÉTTIR19.11.2023, 07:00
Nenad Zivanovic og Arnar Logi Sveinsson eru búnir að skrifa undir tveggja ára samninga við Ægi og munu því þjálfa félagið eftir fall úr Lengjudeildinni.
FRÉTTIR18.11.2023, 23:00
Sádí-arabísku meistararnir í Al-Ittihad eru búnir að tilkynna samkomulag við argentínska þjálfarann Marcelo Gallardo.
FRÉTTIR18.11.2023, 21:20
Tomasz Luba er búinn að framlengja samning sinn við Árborg og mun þjálfa félagið í 4. deildinni á næsta ári.
FRÉTTIR18.11.2023, 13:01
<p>Helgi Sigurðsson hefur verið ráðinn aðstoðarþjálfari Fram en hann skrifar undir tveggja ára samning við félagið.</p>
