Gallardo er búinn að gera eins og hálfs árs samning við félagið með möguleika á framlengingu um tvö ár til viðbótar ef liðinu gengur vel.

Gallardo er 47 ára gamall og hefur verið afar eftirsóttur eftir dvöl sína við stjórnvölinn hjá River Plate í Argentínu. Hann spilaði meðal annars fyrir Paris Saint-Germain og AS Mónakó sem atvinnumaður í fótbolta, þar sem hann lék sem sóknartengiliður og skoraði 13 mörk í 44 landsleikjum með Argentínu.

Gallardo byrjaði þjálfaraferilinn hjá Nacional í Úrúgvæ, félaginu sem hann endaði fótboltaferilinn með, og var svo ráðinn til uppeldisfélagsins River Plate.

Gallardo lék yfir 200 leiki sem leikmaður hjá River Plate og þjálfaði félagið í átta ár.

Nuno Espirito Santo, fyrrum knattspyrnustjóri Tottenham og Wolves, var rekinn úr þjálfarastólnum hjá Al-Ittihad á dögunum.

Al-Ittihad er í fimmta sæti sádí-arabísku deildarinnar, með 24 stig eftir 13 umferðir. Liðið er ellefu stigum á eftir toppliði Al-Hilal.

Karim Benzema, N'Golo Kanté og Fabinho eru samningsbundnir félaginu.