Berglind Björg skoraði fyrir Blika en hún samdi aftur við félagið fyrr í þessum mánuði
FH 2 - 4 Breiðablik
0-1 Birta Georgsdóttir ('2 )
0-2 Berglind Björg Þorvaldsdóttir ('5 )
0-3 Agla María Albertsdóttir ('8 )
1-3 Hildur Katrín Snorradóttir ('31 )
2-3 Eva Marín Sæþórsdóttir ('67 )
2-4 Edith Kristín Kristjánsdóttir ('85 )
0-1 Birta Georgsdóttir ('2 )
0-2 Berglind Björg Þorvaldsdóttir ('5 )
0-3 Agla María Albertsdóttir ('8 )
1-3 Hildur Katrín Snorradóttir ('31 )
2-3 Eva Marín Sæþórsdóttir ('67 )
2-4 Edith Kristín Kristjánsdóttir ('85 )
Íslandsmeistarar Breiðabliks unnu fyrsta leik sinn í Lengjubikarnum er liðið bar sigurorð af FH, 4-2, í Skessunni í dag.
Blikaliðið mætti áræðið til leiks og komst í 3-0 á fyrstu átta mínútum leiksins.
Birta Georgsdóttir skoraði fyrsta markið eftir að hafa komist framhjá varnarmanni FH og sett boltann á milli fóta Aldísar Guðlaugsdóttur í markinu.
Berglind Björg Þorvaldsdóttir tvöfaldaði forystuna með góðu skoti þremur mínútum síðar og þá gerði Agla María þriðja markið á áttundu mínútu.
Hildur Katrín Snorradóttir minnkaði muninn fyrir FH og þá varði hin 17 ára gamla Herdís Halla Guðbjartsdóttir vítaspyrnu í fyrri hálfleiknum fyrir Blika.
Í síðari hálfleiknum skoraði Eva Marín Sæþórsdóttir fyrir FH áður en Edith Kristín Kristjánsdóttir gulltryggði sigur Blika með fínu skoti í nærhornið.
Flott byrjun hjá Blikum sem mæta næst Keflavík á föstudag á meðan FH spilar við Stjörnuna á laugardag.
Lengjubikar kvenna - A-deild, riðill 2
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 5 | 5 | 0 | 0 | 20 - 3 | +17 | 15 |
| 2. FH | 5 | 2 | 2 | 1 | 8 - 6 | +2 | 8 |
| 3. Víkingur R. | 4 | 1 | 2 | 1 | 4 - 5 | -1 | 5 |
| 4. Keflavík | 3 | 1 | 1 | 1 | 4 - 3 | +1 | 4 |
| 5. Stjarnan | 3 | 0 | 1 | 2 | 2 - 7 | -5 | 1 |
| 6. FHL | 4 | 0 | 0 | 4 | 1 - 15 | -14 | 0 |
Athugasemdir
