Tími Freysa hjá Brann að ljúka

Freyr Alexandersson er samkvæmt heimildum Fótbolta.net að hætta sem þjálfari hjá Brann eftir tæplega eitt og hálft ár í starfi. Hann kom til félagsins eftir að hann var látinn fara frá Kortrijk í Belgíu.

Félagið vill gera breytingu eftir erfiða byrjun á tímabilinu. Liðið hefur tapað þremur deildarleikjum í röð, síðast gegn Sarpsborg á heimavelli á föstudag.

Brann situr í 11. sæti deildarinnar með þrettán stig úr tólf leikjum eftir að hafa endað í 4. sæti á síðasta tímabili.