Landsliðskonan Amanda Andradóttir á eitt af mörkum tímabilsins í norsku úrvalsdeildinni.
Mark sem hún skoraði í 4-0 sigri gegn Klepp síðasta sumar kemur til greina sem mark ársins.
Síðasta sumar fór fram kosning um mark mánaðarins í Noregi og vann Amanda með 42 prósent atkvæða. Það er vel hægt að segja að það hafi verið verðskuldað þar sem markið var stórkostlegt.
Amanda er aðeins 17 ára gömul. Hún var valin efnilegust á tímabilinu hjá Vålerenga, sem er eitt besta liðið í Noregi.
Amanda spilaði í gær sinn þriðja A-landsleik fyrir Ísland, í 4-0 sigri gegn Kýpur.
Hægt er að kjósa mark Amöndu sem besta mark ársins með því að fara á þessa síðu og greiða atkvæði.
Þetta mark sem að Amanda Andradóttir skoraði fyrir Vålerenga gegn Klepp á þessum tímabili, er tilnefnt sem eitt af mörkum ársins í norsku Toppserien. Hægt að kjósa markið í link sem ég set í tweet fyrir neðan 👇👇. Alvöru sleggja. #fotboltinet https://t.co/42xu2OBKiP
— Orri Rafn Sigurdarson (@OrriRafn) November 30, 2021
Athugasemdir