Zidane hefur augastað á Man Utd - Guimaraes áfram hjá Newcastle - Bayern hefur ekki rætt við Rangnick
   lau 02. mars 2024 21:26
Brynjar Ingi Erluson
Lengjubikar kvenna: Þór/KA með stórsigur á Þrótti - Sandra María gerði þrennu
Sandra María Jessen átti stórleik
Sandra María Jessen átti stórleik
Mynd: Fótbolti.net - Hafliði Breiðfjörð
Þór/KA 6 - 2 Þróttur R.
1-0 Bríet Jóhannsdóttir ('8 )
2-0 Bríet Jóhannsdóttir ('15 )
3-0 Sandra María Jessen ('29 )
3-1 Angela Mary Helgadóttir ('49 , Sjálfsmark)
4-1 Margrét Árnadóttir ('57 )
5-1 Sandra María Jessen ('60 )
6-1 Sandra María Jessen ('81 )
6-2 Freyja Karín Þorvarðardóttir ('83 )

Sandra María Jessen gerði sér lítið fyrir og skoraði þrennu í 6-2 sigri Þórs/KA á Þrótti í A-deild Lengjubikars kvenna í Boganum í dag.

Hin 17 ára gamla Bríet Jóhannsdóttir skoraði fyrstu tvö mörk heimaliðsins áður en Sandra María, fyrirliði Þórs/KA, bætti við þriðja markinu eftir tæpan hálftíma.

Angela Mary Helgadóttir varð fyrir því óláni að koma boltanum í eigið net í byrjun síðari hálfleiks.

Það hefði engin áhrif á heimakonur sem bættu bara í. Margrét Árnadóttir skoraði fjórða markið áður en Sandra María gerði tvö mörk á rúmum tuttugu mínútum til að fullkomna þrennu sína.

Undir lok leiks skoraði Freyja Karín Þorvarðardóttir fyrir Þróttara.

Þór/KA er með fullt hús stiga á toppnum eftir þrjá leiki í riðli 2 en Þróttur er með eitt stig í næst neðsta sæti.
Lengjubikar kvenna - A-deild, riðill 2
Lið L U J T Mörk mun Stig
1.    Þór/KA 5 4 0 1 22 - 6 +16 12
2.    Stjarnan 5 3 1 1 9 - 6 +3 10
3.    FH 5 3 0 2 15 - 9 +6 9
4.    Þróttur R. 5 2 1 2 15 - 14 +1 7
5.    Víkingur R. 5 2 0 3 10 - 17 -7 6
6.    ÍBV 5 0 0 5 4 - 23 -19 0
Athugasemdir
banner
banner
banner