Breiðablik vann fimmta og síðasta leik sinn í B-riðli í A-deild Lengjubikars kvenna í dag er liðið burstaði FHL, 7-0, í Fjarðarbyggðarhöllinni á Reyðarfirði.

Blikar höfðu unnið alla fjóra leiki sína fram að leiknum í dag og vildu klára riðilinn með fullt hús stiga.

Birta Georgsdóttir skoraði þrennu í leiknum. Hún gerði fyrsta mark sitt á 10. mínútu en þær Andrea Rut Bjarnadóttir og Berglind Björg Þorvaldsdóttir bættu við mörkum áður en flautað var til loka fyrri hálfleiks.

Heiða Ragney gerði fjórða markið á 53. mínútu og þremur mínútum síðar gerði Birta annað mark sitt. FHL gerði sjálfsmark þegar tíu mínútur voru til leiksloka áður en Birta fullkomnaði þrennu sína undir lokin.

Blikar enduðu riðilinn með 15 stig af 15 mögulegum og markatöluna 20:3 en liðið er komið áfram í undanúrslit.

FHL Embla Fönn Jónsdóttir (m), Jana Radovanovic (70'), Íris Vala Ragnarsdóttir, Diljá Rögn Erlingsdóttir, Hrafnhildur Eik Reimarsdóttir (85'), Kamilla Björk Ragnarsdóttir, María Björg Fjölnisdóttir, Christa Björg Andrésdóttir (77'), Björg Gunnlaugsdóttir, Viktoría Einarsdóttir (70'), Ólína Helga Sigþórsdóttir
Varamenn Bjarndís Diljá Birgisdóttir (77'), Áslaug María Þórðardóttir (70'), Margrét Lilja Skarphéðinsdóttir, Sóldís Tinna Eiríksdóttir (70'), Emma Ástrós Stefánsdóttir (85'), Gígja Rún Viðarsdóttir (m)

Breiðablik Katherine Devine (m), Heiðdís Lillýardóttir, Elín Helena Karlsdóttir, Heiða Ragney Viðarsdóttir (46'), Berglind Björg Þorvaldsdóttir, Andrea Rut Bjarnadóttir, Guðrún Þórarinsdóttir (46'), Karitas Tómasdóttir (46'), Barbára Sól Gísladóttir, Birta Georgsdóttir
Varamenn Mikaela Nótt Pétursdóttir, Helga Rut Einarsdóttir (46), Samantha Rose Smith (46), Líf Joostdóttir van Bemmel (46), Edith Kristín Kristjánsdóttir