„Þetta lítur vel út, hópurinn er góður og góð stemning innan hópsins. Ég finn jákvæða orku milli okkar allra sem er gott að sjá," sagði Orri Steinn Óskarsson, leikmaður U21 árs landsliðsins við Fótbolta.net í dag.
„Það er mjög fínt, fullorðinsbolti sem er það sem maður er búinn að stefna á uppá síðkastið. Það er mjög fínt að komast inn í það."
„Það er mjög fínt, fullorðinsbolti sem er það sem maður er búinn að stefna á uppá síðkastið. Það er mjög fínt að komast inn í það."
Talandi um fullorðinsbolta, Orri spilaði sinn fyrsta keppnisleik með FC Kaupmannahöfn á dögunum þegar liðið varð danskur meistari.
„Það var geggjað, að fá smá lyktina af þessu og þá getur maður aðeins séð hvað maður er að fara út í. Það var geggjað og að fá samninginn var toppurinn."
„Það er allavega planið og svo er það undir mér komið að nýta þá sénsa sem ég fæ og sýna að ég sé nógu góður."
Orri raðaði inn mörkum með U19 liði FCK. „Þegar þú spilar vel og skorar mörk þá er auðvitað sett meiri pressa á þig. Ég þrífst undir þeirri pressu og að fá að njóta athyglinnar eru forréttindi finnst mér."
Orri spilar oft sem fremsti maður en hefur líka spilað sem 'átta' inná miðsvæðinu. „Það er búið að bæta hlutum inní minn leik og það er búið að ganga mjög vel. Ég myndi samt segja að minn helsti styrkleiki liggi fram á við."
Vonastu eftir því að vera í byrjunarliðinu með U21? „Auðvitað er það markmiðið alltaf. Ég er sautján ára og stundum þarf maður að taka aðeins minna hlutverk að sér. Ég er tilbúinn að gera það, það tekur auðvitað sinn tíma að vinna sig inn í liðið en auðvitað vonast ég eftir því að byrja," sagði Orri.
Athugasemdir