Besti leikmaður ítölsku deildarinnar er í Como

Nico Paz, leikmaður Como, er efstur þegar kemur að meðaleinkunn leikmanna í ítölsku A-deildinni eftir þrettán umferðir. Christian Pulisic og Luka Modric eru í næstu sætum þar á eftir.

Hinn hæfileikaríki Paz er 21 árs og á sex landsleiki fyrir Argentínu. Hann gekk í raðir Como frá Real Madrid á síðasta ári.

Fjallað hefur verið um að Real Madrid sé með endurkaupsákvæði og sé líklegt til að nýta sér það til að kaupa þennan skemmtilega sóknarmiðjumann næsta sumar.