„Við verðum ekki síðasir í röðinni í dag!" grínaðist Sam Allardyce þegar fultrúi Match of the Day, enska uppgjörsþáttarins, spjallaði við hann eftir 2-5 útisigur WBA gegn Chelsea í dag.

„Ég er hæstánægður með þennan sigur og við gerðum þetta með stæl. Gæðin í mörkunum okkar og boltinn sem við spiluðum varð til þess að við náðum í þessi frábæru úrslit. Við þurftum nauðsynlega á þessu að halda."

Chelsea komst í 1-0 en Thiago Silva fékk svo að líta rauða spjaldið. WBA skoraði næstu fjögur mörk áður en Mason Mount minnkaði muninn. Callum Robinson skoraði svo 5. mark WBA í uppbótartíma.

„Þeir misstu verðskuldað mann af velli. Silva hefði getað fengið beint rautt fyrir að rífa í Pereira. Ég hef nokkrum sinnum náð í úrslit með tíu menn inn á en við tættum Chelsea í okkur."

Matheus Pereira skoraði fyrsta og annað mark WBA í leiknum.

„Ég hefði viljað sjá Pereira ná þrennunni en það er kannski of gráðugt. Við þurfum að endurheimta nokkra menn úr meiðslum," sagði Allardyce að lokum.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit