Werder 0 - 2 Eintracht Frankfurt
0-1 Andre Silva ('61 )
0-2 Stefan Ilsanker ('81 )
0-3 Stefan Ilsanker ('90 )

Lokaleikur 29. umferðar fór í dag fram á Weserleikvanginum í Bremen. Þar mætti lið Eintracht Frankfurt í heimsókn.

Bæði þessi lið lönduðu sigri um liðna helgi en Werder var í öllu verri stöðu í deildinni fyrir leikinn, í fallsæti og tveimur stigum frá umspilssæti.

Það var Andre Silva sem skoraði fyrsta mark leiksins og kom það á 61. mínútu eftir undirbúning Filip Kostic. Stefan Ilsanker bætti forystuna á 81. mínútu eftir fyrirgjöf frá Bas Dost. Fyrra markið var einnig skallamark.

Þriðja mark leiksins var einnig gestanna og innsiglaði það sigurinn. Ilsanker skoraði sitt annað mark á lokamínútu venjulegs leiktíma eftir fyrirgjöf Jonathan de Guzman, þriðja skallamark leiksins. Frankfurt er eftir leikinn í 11. sæti en Werder áfram í harðri fallbaráttu.

Ilsanker kom inn á sem varamaður og skoraði hann fyrra mark sitt einungis sautján sekúndum eftir að hann kom inn á völlinn. Það er fljótasta mark sem varamaður hefur skoraði í Bundesliga frá því mæingar hófust (2004-05).

Í 3. Bundesliga tók Kaiserslautern á móti 1860 Munchen og enduðu leikar með 1-1 jafntefli. Andri Rúnar Bjarnason var ekki í leikmannahópi Kaiserslautern en hann var heldur ekki í hópnum um liðna helgi. Kaiserslautern er í 12. sæti deildarinnar.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit