Víkingur mætti Stjörnunni í undanúrslitum Mjólkurbikarsins fyrr í kvöld. Til að skilja liðin að þurfti vítaspyrnukeppni þar sem Víkingar höfðu betur og þar með tryggðu sér í úrslitaleik gegn KA. Ari Sigurpálsson tók vítaspyrnuna sem tryggði Víkingum á Laugardalsvöll.
Lestu um leikinn: Víkingur R. 6 - 5 Stjarnan
„Ógeðslega gaman, ég bað um að taka síðasta vítið. Mig langaði að fá augnablikið. Aðeins að fá sjálfstraustið aftur upp, þetta hjálpar því."
„Þótt ég sé ungur leikmaður þá er ég vanur öllu. Ég var aldrei stressaður, ég hefði verið aðeins stressaðri hefði ég þurft að skora."
„Mér fannst við miklu betri í framlengingunni og ótrúlegt að við höfum ekki skorað. Þeir vörðu á línu og einhvernveginn gerðist allt en við kláruðum vítaspyrnukeppnina erum með reynsluna sem hjálpar."
Víkingar hafa unnið bikarinn fjórum sinnum í röð
„Við erum með besta liðið á Íslandi held að það sé hefðin."
Viðtalið má sjá í heild sinni í spilaranum hér að ofan.
Athugasemdir