Diogo Jota gifti sig í júní.
Margir eru í áfalli eftir þær skelfilegu fréttir sem bárust í morgun. Fótboltamaðurinn Diogo Jota, leikmaður Liverpool og portúgalska landsliðsins, lést ásamt bróður sínum í bílslysi á Spáni rétt eftir miðnætti í gærkvöldi.
Daily Mail fjallar um síðustu opinberu skilaboðin sem Jota sendi eiginkonu sinni, Rute Cardoso, en það var í gegnum Instagram þar sem hún hafði birt myndir frá brúðkaupi þeirra sem fram fór í Porto í síðasta mánuði.
„Draumur rættist" skrifaði Cardoso og Jota svaraði þeim ummælum: „En það er ég sem er sá heppni."
Daily Mail fjallar um síðustu opinberu skilaboðin sem Jota sendi eiginkonu sinni, Rute Cardoso, en það var í gegnum Instagram þar sem hún hafði birt myndir frá brúðkaupi þeirra sem fram fór í Porto í síðasta mánuði.
„Draumur rættist" skrifaði Cardoso og Jota svaraði þeim ummælum: „En það er ég sem er sá heppni."
Parið hafði verið saman síðan 2012 en þau voru saman í skóla í Porto þar sem þau kynntust. Cardoso fylgdi manni sínum vel eftir og var reglulega á leikjum hans.
Þau áttu saman þrjú ung börn; synina Dinis (2021) og Duarte (2023) og dóttur sem fæddist 2024. Nafn hennar hefur ekki verið opinbert.
André Silva, bróðir Diogo Jota, lést einnig í slysinu. Hann var atvinnumaður í fótbolta hjá portúgalska B-deildarliðinu Penafiel og var 25 ára.
Athugasemdir
