Spánn: Barca fór létt með Sevilla
Mynd: EPA
Mynd: EPA
Sevilla 0 - 3 Barcelona
0-1 Raphinha ('21)
0-2 Robert Lewandowski ('36)
0-3 Eric Garcia ('50)
Barcelona heimsótti Sevilla og tók sunnlendingana í kennslustund. Börsungar sýndu mikla yfirburði í leiknum og leiddu með tveimur mörkum í hálfleik.
Nýju leikmennirnir Raphinha og Robert Lewandowski skoruðu mörkin og hefði forskotið hæglega getað verið stærra ef Ousmane Dembele og Jules Kounde hefðu ekki farið illa með dauðafæri undir lok fyrri hálfleiks.
Raphinha fylgdi misheppnaðri marktilraun eftir með skalla af stuttu færi og Lewandowski skoraði eftir frábæra sendingu frá Kounde úr vörninni.
Kounde lagði annað mark upp í upphafi síðari hálfleiks þegar hann skallaði boltann til Eric Garcia, sem skoraði af stuttu færi, eftir hornspyrnu.
Börsungar hefðu getað bætt við en gerðu ekki og varð niðurstaðan sannfærandi 0-3 sigur. Barca er í öðru sæti með tíu stig eftir fjórar umferðir. Sevilla hefur farið hrikalega illa af stað og er aðeins með eitt stig.
Stöðutafla
| # | Lið | L | mun | Stig |
|---|---|---|---|---|
| 1 | Barcelona | 7 | +24 | 21 |
| 2 | Atletico Madrid | 7 | +9 | 16 |
| 3 | Betis | 7 | +2 | 16 |
| 4 | Real Madrid | 7 | +10 | 15 |
| 5 | Sevilla | 7 | +1 | 13 |
| 6 | Alaves | 7 | +5 | 11 |
| 7 | Deportivo | 7 | +2 | 10 |
| 8 | Real Sociedad | 7 | -4 | 10 |
| 9 | Villarreal | 7 | +1 | 8 |
| 10 | Athletic | 6 | +1 | 8 |
| 11 | Getafe | 7 | -3 | 8 |
| 12 | Vallecano | 7 | -5 | 8 |
| 13 | Osasuna | 7 | -7 | 8 |
| 14 | Celta | 7 | +2 | 7 |
| 15 | Espanyol | 7 | 0 | 7 |
| 16 | Racing Santander | 7 | -10 | 7 |
| 17 | Levante | 6 | -4 | 5 |
| 18 | Elche | 7 | -6 | 5 |
| 19 | Valencia | 7 | -9 | 4 |
| 20 | Malaga | 7 | -9 | 3 |
