Breiðablik er komið áfram í 16. liða úrslit Mjólkurbikarsins eftir góðan 1-6 sgur á liði Kormáki/Hvatar á Sauðárkróksvelli í dag.
„Jú bara góðar, mikilvægt fyrir okkur að fara áfram í bikarnum, við erum bara ánægðir með það." Svaraði Ólafur Ingi Skúlason þjálfari Breiðabliks spurður um fyrstu viðbrögð eftir leik.
Lestu um leikinn: Kormákur/Hvöt 1 - 6 Breiðablik
„Já þeir voru skipulagðir og stilltu bara í 4-5-1 blokk og við vissum svo sem alveg að það myndi þurfa þolinmæði til þess að brjóta þá niður. Þetta er bara eins og ég sagði hörkulið, þeir slógu út Völsung í síðustu umferð. Þannig að við vissum alveg að þetta myndi vera þolinmæðisverk og bara credit á strákana að við sigldum þessu. Jókum aðeins í seinni hálfleik sem skóp þá 6-1 sigur."
„Við vissum alveg að við þyrftum að nýta þennan leik fyrir alla og Gústi auðvitað að koma til baka eftir landsleikjahlé og búinn að spila þar svona stærsta hlutan af þessum tveimur leikjum með u21. Við höfum svona þurft að passa upp á þá sem eru að koma tilbaka úr verkefnum líka. Þeir sem komu inn á í dag stóðu sig bara mjög vel bara eins og allir aðrir. Það er bara mikilvægt fyrir okkur að nýta hópinn."
Það hefur eitthvað verið hvíslað um danskan framherja hjá Blikum er eitthvað til í því?
„Þú ert að segja mér fréttir þá allavega, virðist vera ansi mikið hvíslað en þú ert þá að segja mér fréttir"
Sjáðu viðtalið í heild í spilaranum hér að ofan
