Valery seldur eftir sjö ár hjá Southampton (Staðfest)
Valery í baráttu við Andy Robertson á vængnum.
Mynd: EPA
Valery í baráttu við Andy Robertson á vængnum.
Mynd: EPA
Southampton er búið að selja franska bakvörðinn Yan Valery til Angers í heimalandinu eftir sjö ára samstarf. Kaupverðið er óuppgefið en ekki talið nema yfir einni milljón punda.
Valery er 23 ára gamall og þótti mikið efni á sínum tíma þegar hann spilaði með U17 og U18 landsliðum Frakka.
Honum tókst ekki að taka stökkið en á þó 53 leiki að baki fyrir Southampton, þar af 43 í ensku úrvalsdeildinni.
Valery á ekki möguleika í samkeppnina um hægri bakvarðarstöðuna hjá Southampton þar sem Kyle Walker-Peters og Toni Livramento eru framar í göggunarröðinni.
Angers hefur haft hægt um sig á leikmannamarkaðinum í sumar og aðeins krækt í leikmenn á frjálsri sölu að undanskildum Ousmane Camara, varnarmanni og fyrirliða U19 ára landsliðs Frakklands sem kostaði tvær milljónir evra, og Abdallah Sima sem kemur á láni frá Brighton.
