Trump og Infantino eru miklir vinir.
Á morgun verður dregið í riðla fyrir HM 2026. Mótið fer að stórum hluta fram í Bandaríkjunum en einnig verður leikið í Mexíkó og Kanada.
Athöfnin fer fram rétt hjá Hvíta húsinu, í Kennedy Center í Washington. Það er alveg ljóst að Donald Trump Bandaríkjaforseti verður mikið í sviðsljósinu.
Athöfnin fer fram rétt hjá Hvíta húsinu, í Kennedy Center í Washington. Það er alveg ljóst að Donald Trump Bandaríkjaforseti verður mikið í sviðsljósinu.
Friðarverðlaun FIFA verða veitt í fyrsta sinn en fastlega er búist við því að Trump hljóti verðlaunin frá Gianni Infantino, forseta FIFA. Fjölmiðlar telja að Infantino hafi reyndar búið til þessi verðlaun til að geta gefið Trump vini sínum þau.
Infantino hefur sagt að Trump eigi skilið að fá friðarverðlaun Nóbels fyrir sína vinnu við að koma á friði við botn Miðjarðarhafsins.
Trump og Infantino eru orðnir mjög nánir vinir og hafa verið saman við ýmis tilefni, þar á meðal á viðburðum sem tengjast fótbolta ekki á nokkurn hátt.
FIFA er komið með skrifstofuaðstöðu í Trump turninum í New York og þegar Bandaríkin héldu HM félagsliða var Trump áberandi í verðlaunaafhendingunni og var áfram á sviðinu eftir að Chelsea tók við bikarnum.
Í stefnu FIFA er að halda sér frá pólitík en gagnrýnendur telja Infantino hafa gengið of langt.
Athugasemdir
