Mohamed Salah.
Arne Slot, stjóri Liverpool.
Mohamed Salah mun kveðja Liverpool eftir tímabilið og róa á önnur mið. Salah hefur sýnt töfra sína með Liverpool síðustu níu árin, en þetta verður hans síðasta tímabil í Liverpool-treyjunni.
Liverpool samþykkti að leyfa Salah að fara frá félaginu í sumar, aðeins ári eftir að hann framlengdi samning sinn.
Liverpool samþykkti að leyfa Salah að fara frá félaginu í sumar, aðeins ári eftir að hann framlengdi samning sinn.
Mohamed Aboutrika, góður vinur Salah, hefur tjáð sig um ákvörðunina og eru ummæli hans svo sannarlega áhugaverð.
„Ein af ástæðunum fyrir því að Salah yfirgefur Liverpool er Arne Slot. Við höfum séð ákveðin vandamál að undanförnu. Þú, Slot, ýttir honum í burtu," sagði Aboutrika.
„Salah vill einfaldlega vinna í ró og næði og njóta næsta kafla á ferlinum. Hann þarf enga staðfestingu frá Slot eða neinum öðrum."
Samband Salah og Slot virtist brotið þegar framherjinn sakaði stjórann um að „kasta sér undir rútuna“ eftir að hafa verið skilinn eftir utan byrjunarliðsins í þrjá leiki í röð í byrjun desember á síðasta ári. Salah hefur spilað nokkuð eftir það, en sambandið er nú líklega ekki gott miðað við þessi orð hjá vini Salah.
Það er þó ákveðin kaldhæðni í því að Salah sé sagður yfirgefa Liverpool vegna Slot, þar sem staða Hollendingsins á Anfield virðist sjálf vera í óvissu og sérstaklega eftir tap gegn Manchester City í enska bikarnum í gær.
Salah hefur átt erfitt uppdráttar á þessu tímabili en líklegast þykir að hann fari til Sádi-Arabíu í sumar.
???? It’s not the best time to talk about, but it worth to be shared, Egypt legend Mohamed Aboutrika, Salah’s former teammate, idol, and close friend, confirmed that he spoke with Mohamed Salah after he announced his decision to leave Liverpool, and confirmed what we exclusively…
— Ismael Mahmoud - ??????? ????? (@ismaeelmahmoudd) April 4, 2026
