ÍH er búið að staðfesta ráðningu á Jóni Má Ferro sem þjálfara en hann lék 138 leiki fyrir liðið á fótboltaferlinum.
Jón Már er fæddur 1995 og er maðurinn sem skoraði markið sem tryggði ÍH deildarmeistaratitilinn í 4. deild árið 2020.
ÍH leikur í 4. deildinni eftir að hafa hríðfallið úr 3. deild í fyrra. Liðið endaði með 4 stig á deildartímabilinu.
Jón hefur verðugt verkefni fyrir höndum eftir hörmulegt gengi liðsins í 3. deildinni í fyrra. Það verður spennandi að fylgjast með Hafnfirðingum leika lystir sínar í 4. deild, en þetta er í fyrsta sinn sem ÍH fellur síðan Jón skaut liðinu upp um deild.
Jón Már Ferro ráðinn þjálfari ÍH
— ÍH Knattspyrna (@IHKnattspyrna) May 5, 2026
Ferro spilaði alls 138 leiki fyrir ÍH í öllum keppnum og skoraði í þeim 8 mörk, þar af markið sem tryggði liðinu 4.deildartitilinn 2020 en tekur nú að sér nýtt hlutverk. ÍH býður Ferro velkominn til starfa og hlakkar til komandi tímabils ?????????????? pic.twitter.com/nsDF7tnGAJ
