2. deild kvenna: Tólf mörk á Hvolsvelli

Það fór aðeins einn leikur fram í íslenska boltanum í dag þegar KFR tók á móti Einherja í 2. deild kvenna.

Hvolsvellingar réðu engan veginn við gestina frá Vopnafirði sem náðu forystunni snemma leiks og leiddu með þriggja marka mun í leikhlé.

Flóðgáttirnar galopnuðust svo í síðari hálfleik og bættu Vopnfirðingar níu mörkum til viðbótar við leikinn, svo lokatölur urðu 0-12.

Mar Rubio García var atkvæðamest með þrennu á meðan Florencia Moreira, Claudia Merino, Coni Ion og Karólína Dröfn Jónsdóttir settu sitthvora tvennnuna.

Einherji er í öðru sæti 2. deildar með 21 stig eftir 8 umferðir, einu stigi á eftir toppliði Fjölnis. KFR er aðeins með eitt stig.