Burnley 1 - 1 Arsenal
0-1 Pierre Emerick Aubameyang ('6 )
1-1 Chris Wood ('39 )
Fyrsti leikur dagsins í ensku úrvalsdeildinni var viðureign Burnley og Arsenal á Turf Moor.
0-1 Pierre Emerick Aubameyang ('6 )
1-1 Chris Wood ('39 )
Fyrsti leikur dagsins í ensku úrvalsdeildinni var viðureign Burnley og Arsenal á Turf Moor.
Gestirnir frá Arsenal byrjuðu betur í dag og komust yfir með marki á 6. mínútu. Eftir fína sókn fann Willian fyrirliða sinn, Pierre-Emerick Aubameyang í lappir. Hann keyrði inn á völlinn og skaut föstu skoti á nærstögina sem Nick Pope reði ekki við.
Arsenal var betra liðið í fyrri hálfleiknum og fékk Bukayo Saka dauðafæri til að tvöfalda forystuna en skaut knettinum framhjá úr flottu færi. Það var hins vegar Burnley sem jafnaði leikinn seint í fyrri hálfleiknum.
Granit Xhaka gerði sig þá sekan um skelfileg mistök. Hann var með knöttinn í eigin vítateig og reyndi að senda boltann til hægri á David Luiz. Hann skaut knettinum hins vegar beint í magann á Chris Wood og þaðan fór boltinn í netið. Staðan 1-1 í hálfleik.
Liðin skiptust á að sækja í síðari hálfleiknum og áttu bæði fín færi. Nicolas Pepe komst í dauðafæri fyrir Arsenal en hitti knöttinn hreinlega ekki. Á 75. mínútu vildi Arsenal fá vítaspyrnu en þá virtist Erik Pieters handleika knöttinn í baráttunni við Pepe en ekkert var dæmt. Á 83. mínútu gerðist svipað atvik og þá var dæmd vítaspyrna.
Arsenal átti sókn sem endaði með því að Pepe skaut í átt að marki Burnley. Þaðan fór boltinn í öxlina á Erik Pieters og í slánna. Andre Marriner, dómari leiksins, dæmdi vítaspyrnu og gaf Pieters rautt spjald.
VAR skoðaði hins vegar atvikið og þar sást að um rangan dóm var að ræða. Marriner breytti því dómnum, engin vítaspyrna og ekkert rautt spjald á Pieters.
Arsenal skaut í stöngina á lokamínútu uppbótartímans. Ekki var meira skorað og niðurstaðan því 1-1 jafntefli. Jóhann Berg Guðmundsson var mættur aftur í lið Burnley í dag og lék hann 68. mínútur sem eru góðar fréttir.
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 28 | 20 | 4 | 4 | 70 | 24 | +46 | 64 |
2 | Liverpool | 28 | 19 | 7 | 2 | 65 | 26 | +39 | 64 |
3 | Man City | 28 | 19 | 6 | 3 | 63 | 28 | +35 | 63 |
4 | Aston Villa | 29 | 17 | 5 | 7 | 60 | 42 | +18 | 56 |
5 | Tottenham | 28 | 16 | 5 | 7 | 59 | 42 | +17 | 53 |
6 | Man Utd | 28 | 15 | 2 | 11 | 39 | 39 | 0 | 47 |
7 | West Ham | 29 | 12 | 8 | 9 | 46 | 50 | -4 | 44 |
8 | Brighton | 28 | 11 | 9 | 8 | 50 | 44 | +6 | 42 |
9 | Wolves | 28 | 12 | 5 | 11 | 42 | 44 | -2 | 41 |
10 | Newcastle | 28 | 12 | 4 | 12 | 59 | 48 | +11 | 40 |
11 | Chelsea | 27 | 11 | 6 | 10 | 47 | 45 | +2 | 39 |
12 | Fulham | 29 | 11 | 5 | 13 | 43 | 44 | -1 | 38 |
13 | Bournemouth | 28 | 9 | 8 | 11 | 41 | 52 | -11 | 35 |
14 | Crystal Palace | 28 | 7 | 8 | 13 | 33 | 48 | -15 | 29 |
15 | Brentford | 29 | 7 | 5 | 17 | 41 | 54 | -13 | 26 |
16 | Everton | 28 | 8 | 7 | 13 | 29 | 39 | -10 | 25 |
17 | Luton | 29 | 5 | 7 | 17 | 42 | 60 | -18 | 22 |
18 | Nott. Forest | 29 | 6 | 7 | 16 | 35 | 51 | -16 | 21 |
19 | Burnley | 29 | 4 | 5 | 20 | 29 | 63 | -34 | 17 |
20 | Sheffield Utd | 28 | 3 | 5 | 20 | 24 | 74 | -50 | 14 |
Athugasemdir