Jón Steindór, þjálfari Fylkis.
„Mér fannst HK klárlega sterkari aðilinn í fyrri hálfleik. Við ætluðum að liggja aðeins dýpra til að byrja með. Við stigum eiginlega ekki upp nógu snemma og leyfðum þeim að keyra á okkur," sagði Jón Steindór Þorsteinsson, þjálfari Fylkis, eftir tap liðsins á móti HK í kvöld.
Lestu um leikinn: Fylkir 1 - 3 HK
„Mér fannst allt annar bragur á okkar leik í seinni hálfleik. Mér fannst við vera sterkari aðilinn seinasta hálftímann... heilt yfir átti HK þennan sigur svo sem skilið."
Fylki er spáð fimmta sæti í Lengjudeildinni í ár.
„Spá er alltaf bara spá og ég skil spána að mörgu leyti til. Við misstum marga leikmenn, við erum búnar að vera með mjög unga leikmenn í allan vetur sem hafa staðið sig virkilega vel. Við eigum inni svolítið af mannskap."
Viðtalið má sjá í heild sinni hér að ofan.
