Sara Björk á æfingu í dag
„Það var kominn tími til að hittast aftur. Sérstaklega eftir síðasta leik og við erum tilbúnar í að takast á við næsta verkefni."
„Þær eru harðar af sér og rosalega sterkar í föstum leikatriðum. Ég held það sé rosalega gott fyrir okkur að fá þennan leik fyrir EM,“ sagði landsliðskonan og Þýskalandsmeistarinn Sara Björk Gunnarsdóttir í samtali við Fótbolta.net fyrr í dag. En hún býr sig undir vináttuleik gegn Írlandi ásamt öðrum leikmönnum íslenska landsliðsins.
Sara Björk mætir full sjálfstrausts til leiks eftir frábært tímabil í Þýskalandi.
„Þær eru harðar af sér og rosalega sterkar í föstum leikatriðum. Ég held það sé rosalega gott fyrir okkur að fá þennan leik fyrir EM,“ sagði landsliðskonan og Þýskalandsmeistarinn Sara Björk Gunnarsdóttir í samtali við Fótbolta.net fyrr í dag. En hún býr sig undir vináttuleik gegn Írlandi ásamt öðrum leikmönnum íslenska landsliðsins.
Sara Björk mætir full sjálfstrausts til leiks eftir frábært tímabil í Þýskalandi.
„Ég er í toppstandi eftir hörkutímabil með Wolfsburg. Mér líður bara vel. Ég er orðin aðeins þreytt eftir langt tímabil en það er nóg eftir á tanknum.“
„Það gekk allt upp. Við náðum tveimur titlum í Wolfsburg. Auðvitað vildum við ná þrennunni en það verður bara að bíða til næsta árs. En ég er full sjálfstrausts og í góðu standi og rosalega spennt fyrir sumrinu,“ sagði Sara Björk sem lætur vel af þýsku deildinni.
„Deildin er rosalega sterk og við erum búnar að spila ótrúlega mikið af góðum og erfiðum leikjum. Við settum okkur það markmið að vinna deildina og bikarinn og auðvitað meistaradeildina líka. En á endanum þá komum við með tvo titla og erum gríðarlega sátt. Þá sérstaklega ég á mínu fyrsta tímabili.“
Það rataði í fréttirnar fyrir stuttu að kvennalið Wolfsburg hafi ekki fengið að fagna titlunum tveimur með formlegum hætti þar sem að karlalið félagsins stóð á sama tíma í mikilli fallbaráttu og stjórn félagsins vildi ekki að fögnuður kvennanna skyggði á undirbúning karlaliðsins í umspilsleik um sæti sitt í deildinni.
„Þeir voru í basli við að reyna að halda sér í deildinni og það var hætt við formlega athöfn sem bærinn átti að halda til heiðurs okkur vegna gengi karlaliðsins. Það var rosalega mikil synd að geta ekki fagnað því að stelpurnar í klúbbnum hafa unnið tvo titla fyrir liðið. En við stelpurnar héldum bara okkar eigin fögnuð.“
„Fyrir mér er þetta ótrúlega svekkjandi. Ég er að spila í toppklúbbi og það er mikil synd hversu lítil virðing er borin fyrir sigursælu kvennaliðinu og hætt sé við fögnuðinn. En ætla ekki að vera að kommenta of mikið á það.“
Þrátt fyrir að vera ekki sátt við þessa ákvörðun stjórnarinnar er Sara Björk ánægð hjá liðinu og í þýsku deildinni. Hún segir að áhugi á knattspyrnu kvenna sé mikill í Þýskalandi og fari vaxandi.
„Það er gríðarlega mikill áhugi. Ég finn það komandi frá Svíþjóð að það er ennþá meiri áhugi í Þýskalandi og ég held að hann sé alltaf að verða meiri og meiri. Ég held að þetta sé klárlega ein besta deild í heiminum og það segi ég af því að hún er svo ótrúlega jöfn og við getum tapað stigum gegn hverju einasta liði í deildinni. Liðið sem við spilum við í bikarúrslitum lenti í 7.sæti í deildinni og það segir kannski svolítið mikið um deildina. Öll lið í Þýskalandi geta hlaupið í 95 plús. Það eru allir leikmenn í toppstandi og mikið af landsliðsleikmönnum.“
Nánar er rætt við Söru Björk í sjónvarpinu hér að ofan.
Athugasemdir
