Hinn 29 ára gamli Welbeck kom til Watford frá Arsenal í fyrra en hann var áður á mála hjá Manchester United.

Welbeck skoraði þrjú mörk í tuttugu leikjum með Watford þegar liðið féll úr ensku úrvalsdeildinni á síðasta tímabili.

Welbeck hefur skorað 44 mörk og lagt upp 20 í 224 leikjum í ensku úrvalsdeildinni.

Watford ákvað að leyfa Welbeck að fara þar sem hann er með háan launapakka. Welbeck getur því fundið sér nýtt félag þrátt fyrir að félagaskiptaglugginn sé lokaður.