Ísland í dag - Heimsókn til Eistlands

Strákarnir okkar í íslenska landsliðinu mæta til leiks í síðasta sinn í landsleikjaglugganum þegar þeir heimsækja Eistland í kvöld.

Lærlingar Arnars Gunnlaugssonar byrjuðu gluggann á afar döpru jafntefli á heimavelli gegn Eistum en skiptu svo um gír og unnu næstu leiki gegn Lúxemborg og Búlgaríu á sannfærandi máta.

Nú er komið að lokaleiknum en bæði eistneska og íslenska landsliðið eru nokkuð löskuð eftir mikið leikjaálag. Því er hægt að búast við talsverðum breytingum á báðum byrjunarliðum fyrir leik kvöldsins.

Lúxemborg og Búlgaría mætast líka í kvöld en Ísland trónir á toppi riðilsins sem stendur, með sjö stig eftir þrjár umferðir. Eistland er í öðru sæti með fimm stig og svo kemur Lúxemborg með þrjú stig.