Varnarmaðurinn Tyrone Mings sleit krossband á opnunardegi síðustu leiktíðar og var því að spila sinn fyrsta úrvalsdeildarleik í rúmt ár þegar Aston Villa sigraði 3-1 gegn Brentford í vikunni.
Hinn 31 árs gamli Mings, sem á 18 leiki að baki fyrir enska landsliðið, lék allan leikinn og var meðal betri leikmanna vallarins þrátt fyrir langa og erfiða fjarveru.
Mings átti mikilvægan þátt í sigrinum, sem var fyrsti sigur Aston Villa í níu leikjum. Þetta er þriðji leikurinn sem Mings spilar á keppnistímabilinu, eftir að hafa verið með í tapleikjum gegn Crystal Palace í deildabikarnum og Club Brugge í Meistaradeildinni.
„Bataferlið var mjög erfitt fyrir mig og ég held að ég hafi náð lágpunkti síðasta apríl. Ég var aldrei sannfærður um að nú væri ferlinum mínum lokið en mér leið eins og það væri möguleiki. Það liðu dagar þar sem ég sá engar framfarir þrátt fyrir að leggja gríðarlega mikla vinnu í endurhæfinguna og mér leið hörmulega," sagði Mings.
„Ég lenti í mikið af bakslögum og í apríl leið mér eins og það væri enginn vegur fær til að ná fullum bata. Það eina sem ég gat gert í þeim aðstæðum var að halda áfram á sömu braut og það skilaði sér að lokum."
Aston Villa tekur á móti botnliði Southampton á morgun. Mögulegt er að Mings verði hvíldur í þeim leik þar sem Unai Emery ætlar að koma honum hægt og rólega aftur inn í byrjunarliðsfótbolta eftir svona erfið meiðsli.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
