Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fim 07. janúar 2021 22:25
Sæbjörn Þór Þórbergsson Steinke
Arsenal óttast að Balogun fari frítt - Liverpool hefur áhuga
Balogun skorar
Balogun skorar
Mynd: Getty Images
Folarin Balogun er mikils metinn hjá Arsenal en sóknarmaðurinn ungi kom vel inn í liðið í Evrópudeildinni fyrir áramót.

Balogun er þó aftarlega í goggunarröðinni hjá Mikel Arteta en Eddie Nketiah, Pierre-Emerick Aubameyang og Alexandre Lacazette eru allir á undan Balogun.

Samningur Balogun rennur út í sumar og hefur hann ekki viljað skrifa undir nýjan samning til þessa. Balogun er nítján ára og Arteta vill halda honum.

Arteta virtist skjóta á umboðsmann Balogun þegar hann var spurður út í stöðu mála. „Það þarf þrjá til að semja. Félagið vill það, stjórinn vill það og leikmaðurinn vill vera áfram. Ég er ekki viss með umboðsmanninn. Ég er ekki að segja að hann sé að koma í veg fyrir neitt en við þurfum að ná saman við hann, verðum að ná saman við hann og leikmanninn."

Sportsmail greinir frá því að úrvalsdeildarfélög hafi áhuga. Þar á meðal eru Liverpool, Southampton og Brighton.
Athugasemdir
banner
banner
banner
banner