Suarez hefur spilað frábærlega með Atletico og hefur gert 14 deildarmörk fyrir liðið sem er á toppnum.

Aspas þekkir til Suarez en þeir voru saman hjá Liverpool á sínum tíma þar sem lítið gekk upp hjá þeim fyrrnefnda.

„Sannleikurinn er sá að hann var sannur framherji, sigurvegari og jafnvel á æfingum. Hann gaf alltaf 200 prósent í verkefnið," sagði Aspas.

„Hann er eins á æfingum og í leikjum. Hann hefur alltaf verið mikill markaskorari. Ég held að þetta hafi verið stór mistök hjá Barcelona en þeir voru í vandræðum með launamál."

„Atletico nýtti sér það og fékk til sín frábæran framherja. Mörg af þeirra stigum eru honum að þakka."