Myndir: Heilsaði upp á pabba sinn í miðjum leik

Dóttirin sá sér leik á borði er Aron var að sækja bolta sem hafði farið út fyrir hliðarlínu og greip um pabba sinn og knúsaði hann. Ef marka má myndirnar höfðu áhorfendur í stúku gaman að kveðjunni og sömuleiðis Aron sem tók utan um dóttur sína.

Til þess má geta að kona Arons og móðir stelpunnar, Harpa Rut Ingólfsdóttir, er á myndinni neðst til vinstri og virðist sem svo að hún sé að kalla á dótturina að koma til baka.

Leikar enduðu 4-2 fyrir KR og fór Aron sjálfur á kostum í leiknum þar sem hann skoraði tvö mörk og var valinn maður leiksins.

Hafliði Breiðfjörð var á vellinum og fangaði myndir af atvikinu skemmtilega sem má sjá hér fyrir neðan.