„Okkur fannst við mæta of spenntar í byrjun og lendum undir en komum til baka með frábæru marki. Við vildum keyra leikinn aðeins upp í seinni hálfleik og ég er rosalega stoltur af mínu liði að koma til baka í stöðunni 3-1," sagði Guðni Þór, þjálfari kvennaliðs HK, eftir 3-3 jafntefli við Gróttu í fyrstu umferð lengjudeildar kvenna í kvöld.
Lestu um leikinn: HK 3 - 3 Grótta
Leikurinn var heldur fjörugur þar sem liðin skiptust á að sækja og var jafntefli niðustaðan. Grótta voru heldur sterkari í dag og aðspurður hvort að Guðna hafa fundist úrslitin sanngjörn svaraði hann: „já er það ekki, ég held að bæði liðin séu fúl með að taka ekki 3 stig. Við erum hundfúl að vera á heimavelli og vinna ekki fyrsta leik."
Tvær vítaspyrnur voru dæmdar í leiknum en Guðna fannst það réttir dómar og hrósar dómarateyminu.
„Ég held að þeir hafi bara verið réttir. Mér fannst leikurinn frábærlega dæmdur hjá þeim félögum."
Hægt er að sjá allt viðtalið í spilaranum hér fyrir ofan.
