Með þjálfara innan og utan vallar

ÍBV er heitasta lið Bestu deildarinnar í dag ásamt Víkingi. Eyjamenn hafa unnið þrjá leiki í röð og það er farið að birta til yfir Hásteinsvelli.

En í byrjun mótsins var staðan önnur og umtalið allt annað. Eftir stór töp gegn KR og Fram heyrðist jafnvel umræða um það hvort ÍBV myndi vinna leik í sumar. Nú hefur myndin breyst á skömmum tíma. ÍBV virðist loksins vera að finna taktinn undir stjórn Aleksandar Linta.

Í þessari grein rýnum við í hvað hefur breyst hjá ÍBV að undanförnu. Með því að skoða tölfræðina og tala við Linta og Alex Frey Hilmarsson, fyrirliða liðsins, er dregin upp mynd af liði sem er að þróa aðeins breytta sjálfsmynd.