Eiður Orri mun að öllum líkindum ekki spila gegn Víkingi

Í dag var Eiður Orri Ragnarsson (2004) kynntur sem nýr leikmaður Víkings, félagið kaupir hann frá Keflavík en hann klárar tímabilið þar á láni.

Nú eru því tveir leikmenn á láni frá Víkingi hjá Keflavík og samkvæmt heimildum Fótbolta.net eru ákvæði í báðum samningum sem verða til þess að þeir munu ekki spila gegn Víkingi á Víkingsvelli í næsta mánuði.

Hinn leikmaðurinn sem um ræðir er Davíð Helgi Aronsson (2007) sem hefur verið í stóru hlutverki hjá Keflavík á tímabilinu. Bæði Davíð Helgi og Eiður Orri eru byrjunarliðsmenn hjá Keflavík.