Englandsmeistarar Arsenal hafa sett sig í samband við umboðsmenn franska varnarmannsins Emmaneul Mbemba sem er á mála hjá Paris Saint-Germain í Frakklandi. BBC greinir frá.
Mbemba er 18 ára gamall miðvörður sem verður samningslaus í sumar.
PSG hefur boðið Mbemba nýjan samning, en samkvæmt BBC er hann opinn fyrir því að fara í ensku úrvalsdeildina og þá helst til Arsenal.
Franski unglingalandsliðsmaðurinn hefur spilað stöðu miðvarðar með unglingaliðum PSG, en Arsenal er að horfa á hann sem framtíðar vinstri bakvörð.
Hann hefur ekki enn spilað keppnisleik með aðalliðinu, en á að baki yfir 50 leiki með unglingaliðum PSG og 23 landsleiki með yngri landsliðum Frakklands.
