Óskar Hrafn Þorvaldsson.
Jökull Elísabetarson.
KR vann dramatískan endurkomusigur á Stjörnunni á Samsungvellinum í Garðabæ fyrr í kvöld.
Stjarnan leiddi með tveimur mörkum í hálfleik en KR-ingar gerðu sér lítið fyrir og skoruðu þrjú í þeim síðari og uppskáru 3-2 sigur.
Fótbolti.net ræddi við Óskar Hrafn Þorvaldsson, þjálfara KR, eftir leik.
Stjarnan leiddi með tveimur mörkum í hálfleik en KR-ingar gerðu sér lítið fyrir og skoruðu þrjú í þeim síðari og uppskáru 3-2 sigur.
Fótbolti.net ræddi við Óskar Hrafn Þorvaldsson, þjálfara KR, eftir leik.
Lestu um leikinn: Stjarnan 2 - 3 KR
„Hann var mjög sætur og sanngjarn fannst mér. Mér fannst við vera sterkara liðið í fyrri hálfleik en Stjarnan skoraði tvö góð mörk. Þá er þetta spurning hvernig þú bregst við.
Ég upplifði menn aðeins í fórnarlambsgírnum í hálfleik. Ósanngjarnt og eitthvað svona, sem þetta er ekki. Það er ekkert ósanngjarnt í fótbolta. Mér fannst menn svara vel í seinni hálfleik, um leið og við náðum fyrsta markinu fannst mér pendúllinn sveiflast hressilega með okkur.“
KR mætir Stjörnunni í Mjólkurbikarnum í næstu umferð.
Býstu við öðruvísi leik?
„Ég hef ekki hugmynd. Það er það geggjaða við Jökul: Ég veit ekki hvað hann kemur með. Þess vegna er hann svona mikilvægur fyrir þessa deild.
Hann gæti komið með það sama, gæti komið með eitthvað allt annað. Það er það sem er svo dásamlegt við hann. Að einhverju leyti var þessi fyrri hálfleikur skák,“ sagði Óskar.
Viðtalið má sjá í heild sinni í spilaranum hér að ofan.
