,,Við mættum bara mjög góðu Víkingsliði hér í dag," sagði Bjarni Jóhannson nokkuð súr eftir tap á heimavelli gegn Víkingum. ,,Svona heilt yfir þá vantaði töluvert í leik okkar sem við þurfum bara að laga og halda áfram að vinna í."
Þetta er væntanlega ekki byrjunin sem Bjarni ætlaði sér með KA, fjögur stig eftir fimm umferðir?
,,Nei, alls ekki. Þetta er búið að vera mjög erfitt vor fyrir okkur, meiðslavesen á okkur og svona. En það er sama, við eigum að geta gert betur. Mér fannst við líka illa sviknir hér undir lokin, eitt í slá og eitt í stöng. Við eigum svo að fá víti og boltinn er kominn inn fyrir línuna þegar hann mokar honum út með höndum, það er náttúrulega bara mark og sorglegt að menn sem eru í vinnu við að dæma sjá þetta ekki."
Viðtalið má sjá í heild í sjónvarpinu hér að ofan.
