Þrír tæpir hjá Leeds

Daniel Farke, stjóri Leeds United, tjáði sig um stöðu leikmannahópsins á fréttamannafundi í dag. Leeds heimsækir Sunderland á sunnudag.

„Joe Rodon er enn frá keppni og sinnir endurhæfingu. Óvíst er hvort sóknarmennirnir sem spiluðu í síðasta leik geti tekið þátt. Dominic Calvert-Lewin varð fyrir tæklingu undir lok síðasta leiks og glímir við meiðsli á fæti; það er því óvíst hvort hann verði leikfær," segir Farke.

„Sama gildir um Anton Stach; hann er með vandamál í fætinum og óvíst er hvort hann geti spilað. Noah Okafor er einnig tæpur. Ef leikurinn væri í dag gæti enginn af þessum þremur spilað, enda hafa þeir misst af mörgum æfingum í vikunni. Góðu fréttirnar eru þær að við höfum enn daginn í dag til stefnu og munum reyna að koma þeim í leikfært ástand.“