Diljá skoraði aftur tvennu fyrir Brann

Diljá Ýr hefur verið sjóðandi heit með Brann í síðustu leikjum. Hún skoraði tvö mörk gegn Mitrovica í síðustu umferð forkeppninnar og hélt uppteknum hætti með annarri frábærri frammistöðu í dag.

Brann lenti undir á elleftu mínútu en Diljá svaraði aðeins tólf mínútum síðar og jafnaði metin.

Hún var aftur á ferðinni þegar sjö mínútur voru liðnar af síðari hálfleik. Diljá fór af velli þegar fimm mínútur voru eftir en Brann gerði endanlega út um leikinn með marki Neu Lehtola í uppbótartíma. PAOK náði inn sárabótarmarki úr vítaspyrnu örfáum mínútum síðar en það kom of seint.

Brann verður því í pottinum þegar dregið verður í þriðju umferð forkeppninnar á þriðjudag.