Það voru heldur betur óvænt úrslit í kvöld þegar Grótta og Afturelding mættust á Vivaldivellinum á Seltjarnarnesi. Afturelding sigruðu óvænt 0 - 5.

Óskar Hrafn þjálfari Gróttu var ekki sáttur með úrslitin eftir leik enda hefur Grótta ekki tapað leik síðan 24. maí.

„Þegar þú tapar 5 - 0 þá snýst þetta ekkert um hvort hlutirnir séu sanngjarnir eða ekki, því ef þú færð á þig fimm mörk þá vinnur þú ekki leik."

„Við vorum í gjafastuði og við gáfum þeim mörk, þeir tóku það sem við buðum þeim. Þeir kláruðu jólamatinn sinn áður en við bárum á borð fyrir þá."

Grótta hefur verið mikið í umræðunni eftir gott gengi í sumar. Grótta hefur mikið treyst á unga leikmenn.

„Við komum kannski ekki með rétt spennustig inn í leikinn og kannski voru menn farnir að trúa því að það væri hægt að labba inn í Pepsi Max deildina."

„Sá sem ætlar að fara nota það sem afsökun að liðið sé ungt, við höfum ekki talað um að liðið sé ungt þegar við vorum að vinna leiki og síðan gera það þegar við töpum."

Grótta leikur næst við Njarðvík og þarf að koma sér aftur á sigurbraut til að halda í vonina um að komast upp í Pepsi Max deild karla.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit