Segja Ten Hag hafa valið Höjlund fram yfir Watkins

Höjlund hefur mikið glímt við meiðsli en á meðan hefur Watkins verið einn allra besti framherji deildarinnar. Þrátt fyrir meiðslin náði Höjlund þó að skora 16 mörk í öllum keppnum. Á sama tíma skoraði Watkins 27 mörk og á þessu tímabili hefur hann skorað fjögur mörk í sjö deildarleikjum.

Ofan á markaskorun var Watkins sá leikmaður sem lagði upp flest mörk á síðasta tímabili, eða alls 13 mörk.

Höjlund er 21 árs og kostaði um 72 milljónir punda þegar United keypti hann frá Atalanta í fyrra. Watkins er átta árum eldri og líklega því álitinn meiri skammtímalausn en Höjlund.