mið 08. desember 2021 14:37
Elvar Geir Magnússon
Óttast að Kalvin Phillips verði lengi frá
Kalvin Phillips.
Kalvin Phillips.
Mynd: EPA
Kalvin Phillips miðjumaður Leeds United verður frá í einhvern tíma en hann meiddist aftan í læri í 2-2 jafnteflinu gegn Brentford á sunnudag og fór af velli á 55. mínútu.

Ekki er ljóst hversu alvarleg meiðslin eru en óttast er að þessi 26 ára enski landsliðsmaður verði lengi frá.

Liam Cooper fór einnig meiddur af velli í leiknum.

Þá virtist Patrick Bamford finna fyrir einhverjum óþægindum eftir að hann skoraði jöfnunarmarkið gegn Brentford í uppbótartíma.

Sóknarmaðurinn var þá að mæta aftur til leiks eftir þriggja mánaða fjarveru vegna ökklameiðsla.

Leeds er í fimmtánda sæti úrvalsdeildarinnar en liðið á leik gegn Chelsea um komandi helgi.
Athugasemdir
banner
banner
banner
banner
banner