Daði Ólafs með slitið krossband og ekki meira með á árinu
Daði tekur komandi tímabil í stúkunni meðan hann jafnar sig á krossbandasliti.
Mynd: Fótbolti.net - Hafliði Breiðfjörð
Daði tekur komandi tímabil í stúkunni meðan hann jafnar sig á krossbandasliti.
Mynd: Fótbolti.net - Hafliði Breiðfjörð
Daði Ólafsson bakvörður Fylkis missir af komandi tímabili í Bestu-deildinni en hann er með slitið krossband í hné.
Hrafnkell Helgi Helgason formaður meistaraflokksráðs félagsins greinir frá þessu á Twitter í dag.
Krossabandaslit taka jafnan í kringum ár og því ljóst að Daði verður ekki með Fylki í endurkomunni í Bestu-deildinni í sumar.
Daði sem varð 29 ára gamall í síðasta mánuði er uppalinn hjá Fylki og hefur allan sinn feril leikið með liðinu utan 5 leikja með ÍR árið 2016.
Hann spilaði 18 leiki með liðinu í deild og bikar á síðasta ári þegar Fylkir vann Lengjudeild karla og tryggði sér sæti í Bestu-deildinni. Hann skoraði eitt mark í fyrra.
Batakveðjur á þennan meistara @dadiola, krossbandaslit eru alls ekki góðar fréttir, kannast því miður við það að eigin raun. Nú er bara að taka endurhæfinguna með trompi ????#fylkir pic.twitter.com/C9NEzPuiPS
— Hrafnkell Helgason (@HrafnkellHelga7) February 9, 2023
