ÍBV hefur nælt í markvörðinn Arden La-Rose en hún kemur úr Ohio State Buckeyes háskólanum þar sem hún stundaði frjálsar íþróttir samhliða fótboltanum og þótti góður hlaupari.
Hún er fædd í Kanada en á yngri landsleiki fyrir Guyana.
Hún er fædd í Kanada en á yngri landsleiki fyrir Guyana.
Hún spilaði sinn fyrsta leik fyrir Eyjaliðið í 7-2 sigri gegn Keflavík í æfingaleik í síðasta mánuði.
„Að lokum vill Arden koma á framfæri að það sé heiður að byrja atvinnumannaferilinn með félagi sem hefur sögu og metnað eins og ÍBV. Hún segir að fótboltamenning á Íslandi sé ótrúleg og samfélagið hér í Eyjum hafi tekið henni mjög vel. Arden segist ekki geta beðið eftir að komast út á Hásteinsvöll og sýna hvað í henni býr fyrir liðið og stuðningsmenn þess," segir í tilkynningu ÍBV.
Hún er annar leikmaðurinn sem ÍBV, sem vann Lengjudeildina í fyrra, fær til sín.
