Hólmar Örn Eyjólfsson er einn þeirra sem fara ekki á EM í Frakklandi þrátt fyrir að gera sterkt tilkall til sætis í íslenska landsliðshópnum.
Hólmar Örn hefur verið mikilvægur byrjunarliðsmaður hjá norsku meisturunum í Rosenborg undanfarin ár og á um 50 landsleiki að baki með yngri landsliðunum og 4 leiki að baki fyrir aðalliðið. Hann er því eðlilega svekktur með að komast ekki í lokahópinn.
Hólmar Örn hefur verið mikilvægur byrjunarliðsmaður hjá norsku meisturunum í Rosenborg undanfarin ár og á um 50 landsleiki að baki með yngri landsliðunum og 4 leiki að baki fyrir aðalliðið. Hann er því eðlilega svekktur með að komast ekki í lokahópinn.
Sverrir Ingi Ingason, leikmaður Lokeren, og Hjörtur Hermannsson, leikmaður PSV sem er á láni hjá Gautaborg, eru yngri og reynsluminni en fara með í flugið.
„Þetta var svolítið 50/50 fyrir mig og ég vonaði að ég fengi að taka þátt. Þess vegna eru þetta vonbrigði fyrir mig," sagði Hólmar Örn.
„Ég var í hópnum þrisvar sinnum í röð fyrir jól þegar allir voru heilbrigðir og í formi. Svo var keppt við Danmörku og Grikkland og nokkrar breytingar gerðar á hópnum, þá hafa hinir miðverðirnir hrifið þjálfarana og fengið sæti til Frakklands.
„Það væri mjög gott fyrir mig að fara á EM á þessum tímapunkti ferilsins, en því miður fer ég ekki með."
Hólmar er þó einn af þeim leikmönnum sem fara inn í landsliðshópinn ef aðrir leikmenn meiðast eða komast ekki af öðrum ástæðum.
Athugasemdir
