22.11.26 - 14:01
Brynjar Ingi Erluson
Championship: Andri skoraði og fiskaði víti í nágrannaslagnum

Andri Lucas kom að báðum mörkum Blackburn í dag

Mynd: Blackburn

Andri Lucas kom að báðum mörkum Blackburn í dag

Mynd: Blackburn
Burnley 2 - 2 Blackburn
1-0 Largie Ramazani ('27 )
1-1 Andri Gudjohnsen ('31 )
2-1 Jaydon Banel ('51 )
2-2 Todd Cantwell ('74 , víti)
1-0 Largie Ramazani ('27 )
1-1 Andri Gudjohnsen ('31 )
2-1 Jaydon Banel ('51 )
2-2 Todd Cantwell ('74 , víti)
Andri Lucas Guðjohnsen var besti maður Blackburn Rovers í 2-2 jafntefli gegn nágrönnunum í Burnley á Turf Moor í ensku B-deildinni í dag.
Andri hefur farið á kostum á tímabilinu og raðað inn mörkum fyrir Blackburn, en hann var enn á ný í aðalhlutverki í dag.
Það var mikil spenna í kringum leikinn, ekki aðeins vegna nágrannarígs liðanna heldur einnig vegna Tony Mowbray, sem steig til hliðar sem stjóri Blackburn á dögunum af heilsufarsástæðum.
Largie Ramazani kom Burnley yfir á 27. mínútu, en sú forysta entist ekki lengi.
Andri Lucas er sjóðandi heitur þessa dagana og sjálfstraustið skín af honum, eins og sást vel í jöfnunarmarkinu. Langur bolti kom yfir vörn Burnley og Kyle Walker spilaði Andra réttstæðan. Íslenski landsliðsframherjinn komst inn fyrir vörnina og afgreiddi boltann af miklu öryggi með glæsilegu ristarskoti í fjærhornið.
Stórkostleg afgreiðsla hjá Andra sem skoraði þarna sitt ellefta deildarmark á tímabilinu.
Blackburn lenti aftur undir snemma í síðari hálfleik þegar Jaydon Banel kom Burnley í 2-1, en gestirnir voru langt frá því að gefast upp.
Og auðvitað var það Andri sem átti stóran þátt í jöfnunarmarki Blackburn á 73. mínútu. Hann kom sér þá fram fyrir varnarmann Burnley inni í vítateignum og var sparkaður niður. Réttilega var dæmd vítaspyrna sem Todd Cantwell skoraði af miklu öryggi úr.
Andri var síðan grátlega nálægt því að tryggja Blackburn sigurinn nokkrum mínútum síðar. Hann fékk boltann inni í teignum og lét vaða, en skotið small í innanverðri stönginni, fór aftur fyrir markvörð Burnley og þaðan út. Þar voru heimamenn heldur betur heppnir.
Fleiri urðu mörkin ekki á Turf Moor og þurftu liðin að sætta sig við skiptan hlut.
Blackburn situr í 13. sæti deildarinnar með 22 stig, en Burnley er í miklu basli í 22. sæti með aðeins 11 stig.
Andri hefur farið á kostum á tímabilinu og raðað inn mörkum fyrir Blackburn, en hann var enn á ný í aðalhlutverki í dag.
Það var mikil spenna í kringum leikinn, ekki aðeins vegna nágrannarígs liðanna heldur einnig vegna Tony Mowbray, sem steig til hliðar sem stjóri Blackburn á dögunum af heilsufarsástæðum.
Largie Ramazani kom Burnley yfir á 27. mínútu, en sú forysta entist ekki lengi.
Andri Lucas er sjóðandi heitur þessa dagana og sjálfstraustið skín af honum, eins og sást vel í jöfnunarmarkinu. Langur bolti kom yfir vörn Burnley og Kyle Walker spilaði Andra réttstæðan. Íslenski landsliðsframherjinn komst inn fyrir vörnina og afgreiddi boltann af miklu öryggi með glæsilegu ristarskoti í fjærhornið.
Stórkostleg afgreiðsla hjá Andra sem skoraði þarna sitt ellefta deildarmark á tímabilinu.
Blackburn lenti aftur undir snemma í síðari hálfleik þegar Jaydon Banel kom Burnley í 2-1, en gestirnir voru langt frá því að gefast upp.
Og auðvitað var það Andri sem átti stóran þátt í jöfnunarmarki Blackburn á 73. mínútu. Hann kom sér þá fram fyrir varnarmann Burnley inni í vítateignum og var sparkaður niður. Réttilega var dæmd vítaspyrna sem Todd Cantwell skoraði af miklu öryggi úr.
Andri var síðan grátlega nálægt því að tryggja Blackburn sigurinn nokkrum mínútum síðar. Hann fékk boltann inni í teignum og lét vaða, en skotið small í innanverðri stönginni, fór aftur fyrir markvörð Burnley og þaðan út. Þar voru heimamenn heldur betur heppnir.
Fleiri urðu mörkin ekki á Turf Moor og þurftu liðin að sætta sig við skiptan hlut.
Blackburn situr í 13. sæti deildarinnar með 22 stig, en Burnley er í miklu basli í 22. sæti með aðeins 11 stig.
Championship - karlar
| # | Lið | L | mun | Stig |
|---|---|---|---|---|
| 1 | Middlesbrough | 16 | +13 | 32 |
| 2 | Stoke City | 16 | +7 | 32 |
| 3 | Wolves | 16 | +9 | 31 |
| 4 | Birmingham | 16 | +13 | 29 |
| 5 | West Brom | 16 | +8 | 29 |
| 6 | Southampton | 16 | +16 | 27 |
| 7 | QPR | 16 | +7 | 27 |
| 8 | Swansea | 16 | +4 | 27 |
| 9 | Sheffield Utd | 16 | +6 | 25 |
| 10 | West Ham | 16 | +14 | 24 |
| 11 | Norwich | 16 | +9 | 24 |
| 12 | Portsmouth | 16 | +2 | 23 |
| 13 | Blackburn | 16 | -1 | 22 |
| 14 | Wrexham | 16 | -1 | 21 |
| 15 | Cardiff City | 16 | -1 | 18 |
| 16 | Millwall | 16 | -5 | 18 |
| 17 | Bolton | 16 | -9 | 18 |
| 18 | Bristol City | 16 | -10 | 18 |
| 19 | Charlton Athletic | 16 | -11 | 17 |
| 20 | Lincoln City | 16 | -12 | 15 |
| 21 | Watford | 16 | -14 | 15 |
| 22 | Burnley | 16 | -9 | 11 |
| 23 | Derby County | 16 | -18 | 10 |
| 24 | Preston NE | 16 | -17 | 9 |
