Kian Williams
„Ég er bara ánægður með þrjú stig gegn sterku liði. Allir gáfu allt sitt í þetta og stigin voru verðskulduð, sérstaklega ef mið er tekið af aðstæðum.“ Sagði Kian Williams leikmaður Keflavíkur við fréttaritara um sín fyrstu viðbrögð við eftir 2-0 sigur Keflavíkur á Stjörnunni í Keflavík í kvöld.
Lestu um leikinn: Keflavík 2 - 0 Stjarnan
Kian átti góðan leik í liði Keflavíkur í dag og fiskaði vítaspyrnu sem Frans Elvarsson skoraði úr í fyrri hálfleik. Dómurinn þykir hafa verið soft en Kian lýsti sinni upplifun fyrir fréttaritara.
„Við tókum snöggt innkast og ætluðum að sækja hratt. Ég náði valdi á boltanum í boxinu þegar ég fékk snertinguna í bakið og gat ekki staðið það af mér og ég held að þetta hafi verið klár vítaspyrna “
Í síðari hálfleik innsiglaði Kian svo sigur Keflavíkur með marki eftir fyrirgjöf Ástbjörns Þórðarsonar. Um markið sagði hann.
„Ég reyndi bara að ná snertingu á boltann. Ástbjörn sá um alla vinnuna með frábærri fyrirgjöf. Ég er búinn að vinna mikið með Sigga þjálfara í boxinu og hrós á hann líka fyrir að hjálpa mér með það. “
Sagði Kian en allt viðtalið má sjá hér að ofan.
Athugasemdir
