Mkhitaryan verður áfram - Lofar góðum bakverði
Mynd: EPA
Mynd: EPA
Mynd: EPA
Piero Ausilio, yfirmaður fótboltamála hjá Inter, hefur staðfest að Henrikh Mkhitaryan sé við það að skrifa undir nýjan samning við félagið.
TENGT EFNI
Mkhitaryan að hætta þrátt fyrir samningstilboð?
Armeninn gerir eins árs samning á talsvert lægri launum, en hann er 37 ára gamall. Mkhitaryan kom við sögu í 39 leikjum á nýliðnu tímabili og hjálpaði Inter að endurheimta Ítalíumeistaratitilinn eftir að hafa endað í öðru sæti í fyrra.
Ausilio róaði einnig stuðningsmenn niður sem eru svekktir með félagaskipti Denzel Dumfries til Real Madrid.
„Mkhitaryan er ótrúlegur einstaklingur, hann er á öðru stigi en aðrir. Hann stendur sjálfur í samningaviðræðum, hann er ekki með neinn umboðsmann," sagði Ausilio og snéri sér svo að Dumfries.
„Við munum fá yngri leikmann inn í bakvarðarstöðuna, þetta er mjög góður leikmaður. Síðustu þrír vængbakverðirnir okkar hægra megin hafa verið (Achraf) Hakimi, (Joao) Cancelo og Dumfries, þannig verið jákvæð."
Talið er að Inter hafi mikinn áhuga á Marco Palestra, en Atalanta vill fá minnst 50 milljónir evra fyrir bakvörðinn efnilega.
Inter fékk aðeins 20 milljónir í kassann fyrir Dumfries vegna riftunarákvæðis.
TENGT EFNI
Staðfestir áhuga á Curtis Jones - „Það er ekkert leyndarmál“
Mynd: EPA
